Եղեգնաձորի Պատկերասրահ
Եղեգնաձորի պատկերասրահը, որը Ազգային պատկերասրահի մասնաճյուղ է, հիմնադրվել է 1978թ-ին։ Այստեղ պարբերաբար կազմակերպվում են ցուցադրություններ, այժմ ցուցադրվում են հայկական կերպարվեստի նշանավոր վարպետներ` Անատոլի Պապյանի, Վլադիմիր Սահակյանի, Հակոբ Անանիկյանի, Բաբկեն Քոլոզյանի, Լավինյա Բաժբեուկ - Մելիքյանի, Հովհաննես Շարամբեյանի, Ղրդյան Մանուկի, Է. Իսաբեկյանի, Փարավոն Միրզոյանի, Հենրիկ Սիրավյանի, Զ. Խաչատրյանի, Ա. Խանզատյանի և ուրիշների աշխատանքները:
Թանգարանում կարելի է տեսնել 21 թանգարանային առարկա (գեղանկար)։
Մասնաճյուղում ցուցադրված են 20-րդ դարի հայ գեղանկարի լավագույն նմուշները: Ազգային կերպարվեստի ուրույն գծերը դրսևորվում են բնանկարի, թեմատիկ նկարի, դիմանկարի, նատյուրմորտի ավանդական ժանրերում, որոնք ներառում են ժողովրդի պատմական անցյալի ու ներկայի, կենցաղի ընդգրկուն պատկերը:
Աշխատանքային օրերը՝ երկուշաբթի-շաբաթ
Աշխատանքային ժամերը՝ 11:00-17:40
Էքսկուրսիաների համար նախօրոք պայմանավորվել:
Հայերեն լեզվով էքսկուրսիայի արժեքը՝ 1500դրամ
Մուտքի տոմս - 1000 դրամ
Աշակերտական, ուսանողական, թոշակառուի տոմս - 500դրամ
Մինչև 12 տարեկան երեխաների մուտքը անվճար։